كنعان كنعان
المساهمات : 12 تاريخ التسجيل : 22/10/2008 العمر : 53
| موضوع: اشتقنا للضيعة 7/2/2009, 18:03 | |
| اشتقنا للضيعة
اشتقنا للضيعة اشتقنا ----- للتوتة العـَ مفرقنا واشتقنا لهاك الوردات ----- تتراقص مع هالنسمات بالغربة تصيــح الآهات ----- ليش الزمن فرقنــا
واشتقنا لليازدية ----- اللي حبا ساكن فيي منتذكرها يومية ----- وذكراها عم تحرقنا واشتقنا لهاك الوردات ----- تتراقص مع هالنسمات بالغربة تصيح الآهات ---- ليش الزمن فرقنــا
طالع عبالي زيارة ----- لليازدية والحارة جايي عيد البربارة ----- اللي عمرو ما فارقنا واشتقنا لهاك الوردات ----- تتراقص مع هالنسمات بالغربة تصيح الآهات ----- ليش الزمن فرقنــا
من حرقة قلبي بنادي ----- يا رايح صوب بلادي بوّس لي ترابا زيادة ----- سوريا أرضا عشقنــا واشتقنا لهاك الوردات ----- تتراقص مع هالنسمات بالغربة تصيح الآهات ----- ليش الزمن فرقنــا
سوريا يا إمي وبيي ----- بقلبي كل الحنييــة رح يبقى ندر عليي ----- عشقك يا مناطقنــــا واشتقنا لهاك الوردات ----- تتراقص مع هالنسمات بالغربة تصيح الآهات ----- ليش الزمن فرقنــا
كنعان الياس كنعان
| |
|